Нови 22 пациенти примени во ковид-центрите во Скопје, пуштени 29 оздравени

Во изминатото деноноќие во ковид центрите во Скопје се хоспитализирани 22 нови пациенти поради компликации од коронавирусот. Вкупно 448 лица сомнителни и потврдени за Ковид-19 се лекуваат на инфективните оддели во главниот град, соопшти Министерството за здравство.

Advertisements

На интерните клиники во изминатите 24 часа имало прием на девет пациени, од нив двајца биле хоспитализирани  на Клиниката за дерматологија, на Клиниката за гастроентерохепатологија и на Клиниката за Нефрологија и тројца  пациенти на Клиниката за Неврологија.

Во ковид центарот во ГОБ 8 Септември имало осум нови приеми на пациенти. На Инфективната клиника во текот на вчерашниот ден се хоспитализирани пет болни лица.

Во изминатите 24 часа дома се пуштени 29 оздравени пациенти.