Нови поплави го погодија регионот на Жирона во североисточна Шпанија

Нови поплави го погодија регионот на Жирона во североисточна Шпанија, однесоа 30-ина автомобили во градот Кадакес.

Advertisements

Снимката објавена на социјалните медиуми покажува порој вода што блика по улицата и куп автомобили што го блокираат мостот во петокот рано наутро.

За среќа, нема жртви, а нема ни повредени или заробени, пренесуваа локални медиуми. Во тој регион во текот на ноќта се очекува потенцијално поопасно време.

Повеќе од 200 луѓе загинаа минатата недела, повеќето во регионот на Валенсија, во една од најтешките поплави во Европа овој век.
Катастрофата предизвика силен гнев кај властите поради тоа што претходно не издале итни предупредувања.