Облачно со повремени врнежи од дожд, од понеделник заладување
Облачно со повремени врнежи од дожд, од понеделник заладување
Времето денеска ќе биде претежно облачно со повремени врнежи од дожд, особено попладне и во текот на ноќта кои наместа ќе бидат пообилни (над 30 л/м2). Минималната температура ќе се движи од 4 до 11 степени, а максимална од 10 до 15 степени. Ќе дува умерен до засилен ветер од југоисточен правец
Во Скопје претпладне ќе биде облачно, а во попладневните часови и во текот на ноќта ќе има повремени врнежи од дожд. Ќе дува слаб до умерен ветер од југоисточен правец. Минималната температура ќе се спушти до 7, а максималната ќе достигне до 12 степени.
Од понеделник се очекува заладување што ќе услови врнежите да преминуваат во снег, а во попладневните и вечерните часови се очекуваат слаби врнежи од снег и во некои пониски места, особено во северните делови.
