Обвинителството го заврши истражниот процес за трагедијата во Кочани, 46 осомничени

Истражниот процес за трагедијата во Кочани, каде животот го загубија 62 лица, а околу 200 беа повредени, е завршен. И покрај тоа што обвинителството работеше со тим од 13 обвинители, не успеа да најде докази за друго кривично дело освен за „тешки дела против општата безбедност“, а осмомничени се 46 лица. Обвинителството соопшти дека до сега се сослушани околу 400 сведоци.

Advertisements

Во следните 15 дена, одбраната на обвинетите може да достави докази кои ќе бидат анализирани и оценети од Обвинителството, а по истекот на овој рок ќе биде поднесено обвинение. Временскиот опсег на истрагата го опфаќа периодот од 2012 година кога е отворен ноќниот клуб, до утрото на трагичниот 16 март оваа година. Вкупно до сега под истрага за трагедијата во Кочани се 59 физички лица и 3 правни лица. Поголемиот дел од обвинетите се гонат за кривичното дело „тешки дела против општата безбедност“, за кое се предвидува казна затвор од најмалку 3 години, без горна граница, што значи максимално до 20 години затвор. Во меѓувреме, ќе продолжи и другата истрага што се води во рамките на Обвинителството за гонење организиран криминал и корупција, каде што 14 полициски службеници од Штип и Кочани се сомневаат дека дале одобренија дека клубот „Пулс“ ги исполнувал законските услови за работа во делот на одржување на јавниот ред и мир, иако не било така.

Обвинителството, исто така, дел од обвинетите ги гони и за примање мито, за кое е предвидена казна затвор до 10 години. Покрај тоа, дел од обвинетите се гонат и за неовластено користење огнено оружје. Според одредбите на овој член, казните за ова дело се до 10 години затвор./Алсат.мк

Суад Бајрами