Од 1 јануари ќе има намалување на цената на електричната енергија, но само за оние кои се во првиот блок
Од 1 јануари ќе има намалување на цената на електричната енергија, но само за оние кои се во првиот блок
На новите цени на струјата од 1 јануари ќе се израдуваат оние кои најмногу штедат. Ова е затоа што во првиот блок цената ќе се намали за 5,16%, додека во вториот блок тарифата ќе остане непроменета. Oд Нова година најскапо ќе плаќаат оние кои трошат најмногу струја, поточно потрошувачите кои се во третиот блок со пораст на цената од 2,88% и во четвртиот блок со пораст од 1,86%.
ЦЕНИ НА ЕЛЕКТРИЧНА ЕНЕРГИЈА
Блок 1 – стара цена 6,8 денари/kwh – нова цена 6,5 денари
Блок 2 – стара цена 7,5 денари/kwh – нова цена 7,5 денари
Блок 3 – стара цена 8,9 денари/kwh – нова цена 9,2 денари
Блок 4 – стара цена 19,3 ден/кв – нова цена 19,6 денари
Според Регулаторната комисија за енергетика, околу 80% од струјомерите во домаќинствата се конфигурирани и во моментов се пресметува евтината дневна тарифа од 13 до 15 часот. Евтината тарифа, исто така, ќе остане на истата цена од 4 денари за киловат час.
Од РКЕ, велат дека данокот на дистрибутивната мрежа се намалува за околу 23%, но истовремено се додава дополнителен данок за пристап до мрежата од 200 денари, кој ќе се фактурира на сите корисници од 1 јануари.
Според надлежните, вкупната потрошувачка на електрична енергија во земјата е намалена, како резултат на распоредувањето на фотоволтаици во потрошувачките домови и објектите на компаниите. И според пазарната економија, цената на електричната енергија од 1 јануари требаше да се зголеми во сите блок тарифи, но овие корекции, според нив, се направени за социјални прашања и да се прилагодат на животниот стандард на граѓаните.
„Одлуката на РКЕ и другите институции кои би можеле да влијаат на енергетиката е одложена, бидејќи имаме активни, но и пасивни потрошувачи на електрична енергија. Имаме иселеници кои имаат два или три стана во нашата земја, но исто така и жители кои имаат викенд куќи кога одат за време на викендите имаат пристап до електрична енергија, но трошоците за дистрибутивната мрежа ги плаќаат активните потрошувачи кои трошат електрична енергија на дневна основа“, рече Крешник Бектеши, министер за економија.
Дистрибутивната компанија ЕВН, побара 860 милиони kw/h да се сметаат како загуби во електричната мрежа за 2023 година, но прифатени беа 785 милиони kw/h . Останатите 75 милиони kw/h кои беа оспорени, на енергетскиот пазар достигнуваат цена од 8 милиони евра и тие нема да бидат наплатени на потрошувачитее.
Аднан Ќаили
