Од Обвинителството за организиран криминал и корупција информираат дека имаат оформено повеќе предмети за Државна лотарија, а постапуваат по три
Од Обвинителството за организиран криминал и корупција информираат дека имаат оформено повеќе предмети за Државна лотарија, а постапуваат по три
Обвинителството за гонење на организиран криминал и корупција постапува против три пријави од Финансиската полиција и Министерството за внатрешни работи за можни кривични дела во Државна лотарија, но се уште не е завршена постапката на обезбедување докази. Обвинителството има оформено повеќе предмети за работата на Државна лотарија и дел од обвинителите постапуваат против нив, кои се во координација со полициските тела, информираат од Обвинителството за гонење на организиран криминал и корупција.
Претставниците на владините партии Државна лотарија ја вбројуваат во една од институциите со најмногу финансиски злоупотреби, додека беше под водство на Перпарим Бајрами, кој беше десна рака на поранешниот вицепремиер Артан Груби, кој неодамна се најде на Црната листа на САД за примање мито со цел да го спаси поранешниот шеф на тајната полиција Сашо Мијалков од судските случаи.
Според извештаите, за 13 месеци Државна лотарија исплатила повеќе од 300.000 евра на компанијата „Хеј“ за закуп на поранешниот свадбен ресторан „Фестина“ во Визбегово, во кој се чуваат терминалите за коцкање купени за 19 милиони евра. Оваа компанија е позната во јавноста, бидејќи на нејзино чело беа луѓе блиски или поврзани со семејството на Груби и поранешниот пратеник Јахоски.
Владата во септември го раскина овој договор, а Државна лотарија на компанијата ѝ исплати закупнина која беше трипати повисока од пазарната вредност. Премиерот Мицковски истакна дека раскинатиот договор е основа за кривична одговорност и дека постојат сериозни сомневања за криминал од претходната власт.
Истражителите на МВР и Обвинителството за гонење на организиран криминал и корупција ја разгледуваат и документацијата поврзана со реализираните објави, тендери, склучени договори и секоја друга пропратна документација за јавни набавки. Исто така, во тек е истрага за формирањето на три нови компании за организација на игри на среќа: „77 Бит“, „Везув“ и „Моцарт“.
Во овие компании, државното акционерско друштво има 51% сопственост, додека приватните компании од Бугарија, Србија и Црна Гора, косопственици, имаат 49%. За овие три нови субјекти, парламентарното мнозинство ВМРО-ДПМНЕ-ВЛЕН на почетокот на јули поднесе барање за автентично толкување на Законот за игри на среќа, сметајќи дека нивното основање е незаконско и дека треба да се затворат.
Откако Собранието даде автентично толкување на членот 7 од Законот за коцкање, на 27 септември Владата ги затвори четирите казино платформи поради неправилности во работата, пропусти и основани сомневања за нелегално работење. Беа регистрирани околу 80.000 граѓани, од кои најголем дел на платформата 2win.mk.
Во моментов, единствената платформа за коцкање која работи онлајн е Megawin, која е 100% во сопственост на Државната лотарија. Сепак, онлајн коцкањето продолжува, со оглед на тоа што граѓаните имаат пристап до околу 2.000 странски платформи./Алсат.мк
Суад Бајрами
