Од петок се очекува намалување на температурите
Земјата и денес беше зафатена со африкански температури, но и силни ветрови. Високите температури според Хидрометеоролошкиот завод ќе траат до четврток, кога попладне се очекуваат врнежи од дожд, засилен ветер и грмотевици. Од петок се очекува пад на температурите. Топлото време донесе многу здравствени проблеми кај граѓаните. Освен вртоглавици, граѓаните се жалат и на повраќање, дијареа, висока температура и болки во стомакот.
Лекарите препорачуваат граѓаните да бидат внимателни каде купуваат и чуваат прехранбени производи. Тие додаваат дека целата храна треба добро да се измие пред консумирање.
Министерството за здравство препорачува граѓаните непотребно да не излегуваат од 11 до 16 часот, да се конзумираат повеќе течноссти и да се носи светла боја, додека хронично болните да ја примаат редовната терапија.
Вјолца Алити
