Од следниот месец прво линеарно зголемување на пензиите, најави Мицкоски

Пензионерите ќе го добијат ветеното покачување на пензиите, изјави денеска премиерот Христијан Мицкоски, во одговор на новинарско прашање. Како што појасни тој, ветеното линеарно покачување од 5.000 денари ќе се спроведе преку две покачувања од 2.500 денари.

Advertisements

„Линеарно ќе им се зголемат пензиите овој септември, а потоа во март за уште 2.500 денари. За девет месеци од формирањето на новата влада тоа ветување во целост ќе биде исполнето“, рече Мицкоски.