Од Собранието не одговараат дали ќе го повлечат и објават повторно огласот за Народен правобранител
Од Собранието не одговараат дали ќе го повлечат и објават повторно огласот за Народен правобранител. Барање за ова дојде од Мрежата на невладини организации за заштита од дискриминација, која ја опиша постапката како нетранспарентна. Претседателот на собраниската комисија за избори и именувања, Костадин Костадинов, е убеден дека постапката за објавување на конкурсот, што е надлежност на спикерот, била транспарентна.
„Конкурсот заврши и во моментот се прави проценка на апликациите. По оценувањето, врз основа на моите надлежности како претседател на Комисијата за избори и именувања, ќе закажам седница во согласност со регулативните норми. Како претседател на Комисијата за избори и именувања, утврдив дека постапката се одвивала според законските норми и нема ништо против законот. Може да има забелешки, но барањата немаат основа за повторување на постапката“, рече Костадин Костадинов, СДСМ.
Во моментов не се даваат повеќе податоци, но се верува дека на јавниот оглас за народен правобранител и неговите заменици се пријавиле околу шест кандидати. Апликациите ќе ги разгледува Комисијата со која претседава Костадинов и изборот на Комисијата ќе се гласа на пленарна седница. Засега не се соопштуваат имињата на кандидатите. Мрежата за заштита од дискриминација оцени дека е направен обид да се сокрие конкурсот за да не се информираат сите заинтересирани кандидати.
„Јасно е дека целта на Собранието е да го сокрие конкурсот од очите на јавноста и да остави повеќе простор за партиски преговори при изборот на народен правобранител меѓу парламентарните партии“, наведуваа од Мрежата за заштита од дискриминација.
Алсат ја праша и ВМРО-ДПМНЕ дали оценуваат дека постапката е доволно транспарентна. Засега немаме одговор. Не реагираа ниту другите парламентарни партии.
Фатлуме Дервиши
