Од Стопанската комора на трговци на големо и мало очекува Министерството за економија да ги земе предвид нивните барања

Трговците не се откажуваат од своите барања до Владата во врска со најавеното намалување на маржата за над 100 производи. Првиот човек на Стопанската комора за трговија на мало и големо, Лавдрим Гега, вели дека ако маржата се постави на 10%, тогаш тие нема да можат да ги покријат своите основни трошоци.

„Задоволни сме што и ние како маркети сме вклучени во донесувањето одлуки во координација со Владата. Тие секогаш се координирале само со дистрибутерите на производителите. Основните расходи на маркетите се од 12 до 15%, вклучувајќи ги платите, придонесите, киријата и електричната енергија. Проблемот со високите цени не се маркетите, туку дистрибутерите и производителите. Имаме и други барања кои ќе ги обелодениме на следниот состанок со Министерството за економија“, рече Лавдрим Гега – Стопанска комора.

И покрај најавената мерка , но и претходните, граѓаните анкетирани од Алсат велат дека не чувствуваат никакво намалување на цените.

„Најдобро е државата да направи сопствени маркети, каде што ќе даде поевтина цена, ќе биде конкурентна за нив, па така состојбата може да се подобри. Кој според вас е најголемиот виновник? Маркетите, производителите или дистрибутерите?

Кај нас нема производство, се е увезено, ништо не е македонско. Сè е увезено и веројатно се царините„, рече еден граѓанин.

„Значи, цените се прескапи и претеруваат во последниот период„, додаде друг.

„Многу се чувствува, се поскапо и поскапо.

Што мислите, кој е повеќе виновен, маркетите, производителите или дистрибутерите?

Што знам, сите? Мислам дека сите се виновни. Не постои заеднички јазик за намалување на цените бидејќи тоа навистина не може да остане така„, рече една граѓанка.

„90% од граѓаните не ги чувствуваат. Што е премногу, премногу е. Еве кафето што го земав, 157 денари. Очекував многу од оваа Влада, но ништо„, додаде друг граѓанин.

Од средбата одржаба вчера, меѓу трговците и министерот за Економија, Бесар Дурмиши, не беше постигнат договор, а разговорите ќе продолжат следната недела. Министерството најави дека ќе ги разгледа барањата на трговците кои инсистираат на тоа само 200 производи да бидат вклучени во мерката, наместо очекуваните илјада. Ваквата одлука е донесена по извештајот на Државниот пазарен инспекторат, според кој кај трговците на мало беше утврдено дека има над 20 отсто маржа на основните прехранбени производи и над 30 отсто маржа кај средствата за лична хигиена, додека кај увозниците и дистрибутерите се евидентирани повисоки маржи кои одат дури и до 50 отсто./Алсат.мк

Зекирија Хаџиу