Од утре ново поскапување на горивата, ова се новите цени

Од ноќеска на полноќ, бензините ќе поскапат за еден денар, а дизелот и екстра лесното масло за домаќинство за 2,5 денари за литар, соопшти Регулаторната комисија за енергетика (РКЕ).

Advertisements

Се зголемува и малопродажната цена на мазутот за 1,146 денари за килограм.

Според РКЕ, ЕУРОСУПЕР БС 95 ќе чини 88 денари за литар, ЕУРОСУПЕР БС – 98 ќе изнесува 90,50 денари, ЕУРОДИЗЕЛ БС (Д-Е V) 83,50 денари, маслото за горење Екстра лесно 1 (ЕЛ-1) 83 денари, додека мазутот ќе биде 47,304 денари за килограм.

Со оваа Одлука на РКЕ се врши зголемување на малопродажните цени на нафтените деривати во просек за 2,19 отсто во однос на одлуката од 4.9.2023 година.