Од ВЛЕН најавуваат вработување на 600 нови работници во областа на заштитата на животната средина
Од ВЛЕН најавуваат вработување на 600 нови работници во областа на заштитата на животната средина
Од ВЛЕН најавуваат вработување на 600 нови работници во областа на заштитата на животната средина. Оттаму нагласуваат дека овој проект ќе се реализира преку Оперативниот план на Владата за 2025 година, кој има за цел не само локално вработување, туку и вклучување на граѓаните во одржување на животната средина. Од овој коалициски блок велат дека преку оперативниот план е предвидено и ангажирање на 400 нови пожарникари во општините каде што има најголема потреба, сè со цел поефикасно справување со евентуални пожари во летниот период.
„Истовремено, Оперативниот план за 2025 година предвидува и вработување на 600 невработени лица во рамки на локални проекти кои се поврзани со инфраструктурата и заштитата на животната средина во општините. Оваа мерка има за цел не само повеќе вработувања, туку и активно вклучување на граѓаните во изградба и одржување на здрава животна средина“, велат од ВЛЕН.
