Од Вреди допрва ќе му одговорат на Минчев за изменетата методологија во Балансерот
Од Вреди допрва ќе му одговорат на Минчев за изменетата методологија во Балансерот
Новинарка: Ајнур Бафќари
Од Вреди до прва ќе одговорат на одлуката на министерот за администрација Минчев за измената во методологијата на балансерот при вработување во администрацијата. Првиот вицепремиер Изет Меџити не појасни што конкретно ќе преземат, но рече дека процентот треба да се базира на бројот на општата популација, а не само на жителите.
„Во однос на балансерот или она што го кажа министерот Минчев, мислам дека не е во согласност со законот. Во законот прецизно стои дека правичната застапеност мора да се заснова на процентуалната застапеност на населението, не пишува жители или нерезиденти и мислам дека оваа влада се залага за економски развој, стандард на граѓаните. , решавањето на конкретни прашања, ваквите прашања не се приоритет. Тие се непотребни и секако дека ваквите иницијативи ќе предизвикаат одговор од наша страна, но ние не иницираме такво нешто…09:58 Мислам дека и нашите колеги ќе сфатат дека треба да бидат во функција на ова платформа, а не на дневна политика“ – Изет Меџити, прв вицепремиер.
Министерот за администрација од редовите на партијата ЗНАМ, Горан Минчев, пред неколку дена ја смени метологијата во балансерот што ја направи поранешниот министер Адмирим Алити. Врз основа на измените се зголемува бројот на Македонци кои ќе се вработат во администрацијата, а се намалува бројот на Албанци, односно, во годишниот планпланови за вработување во институциите од јавниот сектор, процентот на Македонци се зголемува од 54,21% на 58,44%, додека кај Албанците се намалува од 29,52% на 24,30%. Минчев подвлече дека промените се направени исклучиво во согласност со законот за вработени во јавниот сектор, односно вклучен е само бројот на резидентното население во државата, а нерезидентно население е исклучено од пресметката. / алсат.мк
