Одбиени барањата за амнестија на лицата обвинети како организатори на „27 април“

Кривичниот суд денеска го одби барањето за амнестија на лицата обвинети како организатори на насилствата во Собранието на 27 април, Трајко Вељановски, Миле Јанакиески, Спиро Ристовски и Владимир Атанасовски. Првиот судија во овој случај, судијата Илија Трпков, истакна дека по барањата за помилување врз основа на законот за амнестија од 2018 година, добил мислење од јавниот обвинител, со што било одлучено дека овие барања се неосновани.

Advertisements

„Барањето за амнестија се одбива како неосновано бидејќи не се исполнети условите од член 1 став 2 алинеа 1 и 2 од Законот за амнестија“, рече Илија Трпков, судија.

Обвинетите имаат право да се жалат на оваа одлука во Апелација, но судењето се одложи за 6 јули. За адвокатот Еленко Миланов, судот со овие дејствија ги дискриминира обвинетите и не ги третира исто со пратениците.

За кривичното дело терористичко уривање на уставниот поредок и безбедноста обвинети се поранешниот претседател на Собранието, Трајко Вељановски, поранешните министри Миле Јанакиески и Спиро Ристовски, како и поранешниот шеф на Тајната полиција, Владимир Атанасовски.

Две години претходно тие беа осудени од Кривичниот суд на вкупно 25 години затвор, но во април годинава Апелациониот суд ги „спаси“ од затвор, поништувајќи им ги затворските казни со образложение дека имало суштински повреди во текот на судската постапка.

Ардит Рамадани