Одбраната во „Монструм“: Случајот е конструиран, нема доволно докази
Случајот „Монструм“ е целосно исконструиран и синоним на случајот „Драјфус“, со тоа што има подалекусежни последици бидејќи шест невини лица беа осудени на доживотен затвор, порача денеска одбраната во завршни зборови за „Монструм“.
Според нив, очигледно е дека обвинителството не обезбедило доволно докази и има само голи индиции и не ги докажува претпоставките за можен мотив.
– Овој случај се водеше по стариот ЗКП и сметаме дека многу наши докази и предлози беа одбивани, а обвинителите беа многу попривилегирани. Да се водеше овој случај по новиот ЗКП ќе имавме право и ние да предлагаме и даваме вештачења и докази. Ова го наведувам од причина што како бранители сме длабоко убедени дека се работи за исконструиран случај, рече Рауфи.
Посочи дека застапниците на обвинитението не успеале да го оправдаат ниту со своето допрецизирање на обвинителниот акт.
