Он лајн наставата предизвикува “главоболки“ за многу семејства кои се во тешка економска состојба
Останува нерешена судбината на околу 40.000 ученици од основните и средни училишта, кои немаат електронски уреди за да присуствуваат на он лајн настава. Се претпоставува дека ист е и бројот на оние кои немаат услови во домовите за настава на далечина, особено, семејствата со по три или четири деца, и дека за секое мора да има посебна соба, за да може да ја следи наставата во тишина. Еден од овие случаи е и Веса Ќамили. Вели дека во куќата се четири деца, а имаат само еден лаптоп. Условите за купување лаптопи за сите четири деца немаат поради пандемијата. Но, тоа не е единствената пречка што овие деца ја имаат за он лајн учење. Веса вели дека ја дели својата соба со нејзината сестра, а двете треба да бидат вклучени во исто време.
„Ние сме четири деца, во исто време ни треба опрема, но и простор каде што ќе одржиме настава. Јас ја делам собата со сестра ми и двете сме во иста смена на училиште, и тешко е да се поврземе и истовремено да комуницираме со професорите. Имаме лаптоп што сите четири деца треба да го споделиме. Во економска криза сме и проблем е да се купат четири лаптопи за секое дете еден по еден“-рече Веса Ќамили- ученичка.
Од Унијата на средношколци неколку пати побараа од Министерството да им помогне на овие ученици, но без одговор. Претседателот на Унијата на средношколци вели дека и дале конкретен предлог на министерката како да им се помогне на овие ученици.
„Јасно ставивме до знаење дека има голем број ученици кои немаат средства да присуствуваат на часови преку Интернет. Да се биде министер за образование и да се каже дека оние што немаат опрема ќе присуствуваат на ТВ настава е малку скандалозно. Добро е Владата и образовните институции да создаваат фонд, каде што ќе бидат вклучени и бизнисите што продаваат електронски уреди, а ќе бидат вклучени и филантропи кои ќе помогнат во купувањето на лаптопи.“-изјави Бленди Ходаи УСАМ.
Но, и покрај барањата на УСАМ за помош на овие ученици, од Министерството за образование, остануваат на позиција дека учениците кои немаат можност да купат лаптопи, наставата да ја следат преку ТВ.
