Османи: Ако ги изгласаат уставните измени, ВМРО сама нека одреди датум за избори
Мнозинството оценува дека ВМРО-ДПМНЕ може да одлучува за датумот за избори дури откако ќе ги изгласа уставните измени. Министерот за надворешни работи Бујар Осман рече дека понудата за ВМРО останува отворена, но доколку не ги поддржи промените, изборите ќе бидат регуларни.
„Оваа понуда е политичка оценка. Нека гласаат за уставните измени и ние ќе оставиме да го одлучат денот на изборите кога сакаат и за претседателските и за парламентарните избори. Ако не, тогаш одат на регуларни избори. Дали ќе бидат заедно или како ќе бидат, тоа се технички и оценки на политичките партии за да се најде одреден консензус“, рече Османи.
Од ВМРО-ДПМНЕ велат дека нема да има уставни измени, а датумот за избори ќе дојде еден ден.
Од СДСМ бараат претседателските и парламентарните избори да бидат регуларни, а за датумите да се разговара во рамки на работните групи што треба да ги формираат политичките партии. Христијан Мицкоски го повика премиерот Димитар Ковачевски да . одреди заеднички датум за избори,меѓу двата најголеми верски празници а истиот ќе биде прифатен од ВМРО. Со одбегнување да се договори датум за избори, според Мицкоски се оди на свесно предизвикување уставна и политичка криза.
Адријан Керими
