Османи го кажа ставот на ДУИ во врска со Рамиз Мерко

Портпаролот на ДУИ, Бујар Османи, ги изнесе одлуките на партијата во врска со објавата на името на градоначалникот на Струга од нивните редови, Рамиз Мерко, на црната листа на САД.

Advertisements

„ДУИ ги донесе следниве одлуки: прво, ДУИ бара институциите веднаш да започнат сеопфатна истрага за господинот Рамиз Мерко, за сите можни тврдења и информации што произлегуваат од одлуката на Стејт Департментот. Второ, ДУИ ја прифаќа одлуката на господинот Рамиз Мерко за замрзнување на неговото членство во раководните органи на партијата, Централното претседателство, Генералниот совет и ДУИ ја прекинува изборната активност во општина Струга, сѐ додека не се создадат нови услови за тоа“, рече Османи.