Османи побара консензус за следниот претседавач со ОБСЕ
Министерот за надворешни работи Бујар Османи во својство на претседавач со ОБСЕ ги повика учесниците на самитот на ОБСЕ што се одржува во Скопје да постигнат консензус за претседавањето на Малта.
Османи рече дека верува оти консензусот за Малта како претседавач со ОБСЕ во 2024 година ќе биде официјализиран во петок од земјите учеснички на Самитот.
Министерот за надворешни работи рече дека ОБСЕ, за време на претседавањето со Северна Македонија, се соочила со последиците од руската агресија врз Украина, кршејќи ги правилата на оваа организација и европската и човечката безбедност.
„Имам три клучни пораки како претходник. Северна Македонија го презеде претседавањето со ОБСЕ во време на активна војна и закана за европската безбедност и меѓународниот мир. Руската агресија врз Украина ги прекрши правилата на оваа организација и ја наруши европската и човечката безбедност, дијалогот и ги уништи животите на луѓето кои сакаат да живеат слободно и без страв од војна. Наместо колективен интерес се насочени себичните национални интереси. Со тоа се создаде тежок оперативен амбиент и против тоа останавме решени да служиме како бранители на вредностите на ОБСЕ и повеќето земји-членки избегнаа дефетизам и претставуваа предизвици за постоењето на ОБСЕ, рече Османи.
