Освен во Скопје, вакцинацијата против сезонски грип сè уште не е започната и во другите градови
Иако навидум напуштен, посебен објект во дворот на Кумановската болница е адаптиран за вакцинирање од сезонски грип. Но, оваа вакцина сè уште не пристигнала во градот. Освен во Скопје, се доцни и во неколку други градови, иако од петокот беше објавено дека 40.000 единици пристигнаа во земјата.
„Ние го подготвивме објектот, кој е одделен од Здравствениот дом. Технички сме подготвени и со капацитетите и со персоналот, но вакцините сè уште не пристигнале од Министерството за здравство. Досега вакцините не пристигнале и немаме дополнителни информации за тоа кога ќе пристигнат, денес или до крајот на неделава. ”
Пред неколку дена, министерот за здравство Венко Филипче рече дека вакцините ќе бидат дистрибуирани до центрите за јавно здравје низ целата земја. Во одговорот денес од ова министерство ни беше кажано дека сè одело според планот. Но, не е отворен ниеден онлајн термин за вторник во некои други градови.
„Денес пристигнаа вакцините за сезонски грип во Здравствениот дом во Скопје, и преку ден започнале да се дистрибуираат во другите градови. Се обидуваме навремено да ги дистрибуираме вакцините до сите здравствени центри во земјата, со цел да го отвориме патот за вакцинирање на населението со овие вакцини. ”
Министерството за здравство планира да нарача дополнителни 20.000 вакцини за сезонски грип. Оние што пристигнаа ќе бидат бесплатни за категориите кои се изложени на ризик од хронични заболувања, за стари лица над 65 години, за деца под 5 години, за бремени жени и за здравствени работници, сите ќе закажат термин преку матичен лекар. Останатите кои сакаат да се вакцинираат ќе плаќаат 800 денари или 200 денари повеќе од лани.
Подготви: Аднан Ќаили
