Директорот Рустеми кажа зошто доцни почетокот на изградбата на автопатот Скопје-Блаце
Директорот на ЈП „Државни патишта“, Ејуп Рустеми во „Економски магазин“ на Алсат ја кажа главната причина за доцнењето на почетокот на изградбата на автопатот Скопје-Блаце.
Рустеми рече дека причината е незавршената експропријација, нагласувајќи дека со неговото преземање на функцијата, во ноември 2020 година до средината на декември 2020 година биле експроприрани 25 парцели, со што случајот го отворил патот за почеток на градбата.
„Автопатот Скопје-Блаце е поделен на два дела. За првиот дел договорот беше склучен со компанијата „Гранит“ од јуни 2020 година, но од јуни до декември не беше готова експропријацијата на земјиштето каде што требаше да минува автопатот. Кога дојдов на крајот на ноември 2020 година до декември 2020 година, требаше да направиме експропријација на 25 парцели за да почнеме со работа, а причината што имаме доцнења се од самиот факт што не беше извршена експропријацијата на парцелите. во овие први 2 километри“, рече Рустеми.
