Советот за национална безбедност на Србија денеска донесе одлуки во врска со актуелната ситуација на Косово, пренесе Спутник.
Како што се наведува во текстот одлуките се следни:
1. Советот за национална безбедност побара Приштина да ги повлече сите војници од северно Косово, како и да се врати во претходната ситуација за да продолжи бриселскиот дијалог.
2. Србија побара од ЕУ итен одговор, во рок од еден месец, на прашањето дали постои бриселски договор и кога ќе се формира ЗКК.
3. Советот ги повикува ЕУ, САД и Обединетото Кралство да влијаат на Приштина да ја укине незаконската пресуда против Иван Теодосијевиќ.
