Партиите не мрдаат од различни ставови во врска со можноста за „онлајн“ поврзување на заразените пратеници во работата на Собранието
Предлогот за измена на Деловникот сè уште не е ставен на дневен ред. Дури и неодамнешната координација меѓу претседателот на Собранието Талат Џафери и координаторите на пратеничките групи се чини дека не успеа, бидејќи опозицијата не го смени ставот и не прифаќа ниедна форма на вклучување на пратениците „преку Интернет“ во работата на Собранието.
Од Алијансата на Албанците и Алтернатива не веруваат во кредибилитетот на овој процес и велат дека Собранието има доволно други пратеници кои немаат одлука за изолација, со кои работата може да продолжи.
Според власта, вклучувањето „онлајн“ на пратениците кои имаат одлука за изолација ќе овозможи продолжување на работата на Собранието без пречки, како и можност да работат дури и во случај на зголемување на бројот на заразени пратеници.
Официјално, тројца пратеници на власта се во изолација поради инфекција со коронавирус. Неофицијално, ист број пратеници се во изолација и од опозицијата. Иницијативата за изменување и дополнување на Деловникот ја даде на претседателот на Собранието Талат Џафери. Деловникот предвидува пратениците кои имаат одлука за изолација да го известат спикерот на Собранието, да ја достават официјалната одлука за изолација од здравствените власти како потврда и да учествуваат и да гласаат онлајн на пленарните седници и во работата на комисиите. Иницијативата предвидува обврска на Собранието да му обезбеди на пратеникот техничка опрема за оваа намена.
Fatlume Dervishi
