Баерн Минхен планира да испрати понуда за Флоријан Вирц по завршувањето на сезоната, тврди „Билд“. Баварците сакаат да го спојат тандемот на играчот за врска на Баер Леверкузен и Џамал Мусијала од националниот тим и на „Алијанц Арена“.
Се очекува Баерн да се соочи со сериозна конкуренција за потписот на Вирц од клубови како Реал Мадрид, Манчестер Сити и Арсенал.
„Топчиите“ го следат офанзивниот играч од средниот ред уште од времето кога играше за младинскиот тим на Келн. Според извори од Германија, Реал Мадрид е фаворит за потписот на Флоријан Вирц. Самиот Вирц изразил желба да се приклучи на клуб кој има реални шанси да ја освои Лигата на Шампионите, што ќе му даде можност да се бори за „Златната топка“.
Баер Леверкузен постави цена од 150 милиони евра за германскиот репрезентативец.
