Пендаровски: Ги поддржуваме евроатлантските аспирации на Косово и подготвени сме да ги споделиме своите искуства

Ги поддржуваме евроатлантските аспирации на Република Косово и подготвени сме да ги споделиме своите искуства, рече претседателот Стево Пендаровски на заедничката прес конференција со претседателката на Косово, Вјоса Османи.

„Во оваа прилика би сакал да го реафирмирам нашиот став дека ги поддржуваме евроатлантските аспирации на Република Косово и дека Северна Македонија е подготвена да ги сподели своите искуства во однос на реформските процеси, како на патот кон ЕУ така и во однос на членството во НАТО“, рече Пендаровски.