Пендаровски ја претстави рамката за развој 2030
Забрзан економски раст, заштита на животната средина и енергетска политика, забрзување на дигиталната трансформација и промовирање на дигитална економија и образованието, се четирите приоритети на Рамката за развој „МКД 2030“ којашто денеска беше промовирана од претседателот Стево Пендаровски.
Оваа рамка според Пендаровски треба да биде вградена во Национална стратегија за развој во следните 20 години која ќе помогне држвата да обезбеди подбра иднина за следните генерации. Во изработката на стратегијата учествуваа 60 организации и поединци од граѓанските здруженија, претставници на МАНУ, на стопанските комори, на медиумските и на младинските организации.
„Во 2020 година околу 21.8% од населението живеело под прагот на сиромаштијата, што е двојно повисоко споредено со просекот на Европската Унија. Поради комбинираните ефекти на здравствената, енергетската и економската криза, таа бројка денес е повисока. Овие четири приоритети се меѓузависни и подеднакво важни за развојот на Северна Македонија и затоа треба да се имплементираат, истовремено, без нивно рангирање“, рече Пендаровски.
