Пендаровски: На Самитот на ЕУ во декември нема позитивен исход за Македонија
Јасно е каков ќе биде исходот од декемврискиот самит на ЕУ за нашата земја без уставните измени, рече претседателот Пендаровски. За тоа мора да се чека следниот воз, бидејќи политичките сили во земјава не се договорија за вметнување на бугарското малцинство во Уставот.
Пендаровски рече дека се уште не одлучил дали ќе се кандидира за нов претседателски мандат. Одлуката ќе ја донесе по Нова година. Тој додаде дека власта и опозицијата можмо е наскоро да се договорат за датумот на парламентарните и претседателските избори.
Потпретседателот на ВМРО ДПМНЕ Александар Николовски вели дека нема политичка волја и време за големи измени во изборниот законик, но додава дека од понеделник може да седнат и да разговараат за измените според препораките на ОБСЕ-ОДИХР.
ВМРО долго време ги бојкотира понеделничките координации во Собранието, но велат дека се подготвени да учествуваат во работната група која ќе расправа за изборите.
Аднан Ќаили
