Пет пожари на отворено во регионите на Скопје, Охрид и Неготино
![](https://alsat.mk/mk/wp-content/uploads/2021/08/pozar-2-780x470.png)
Пет пожари на отворено за 24 часа евидентирал Центарот за управување со кризи (ЦУК). Изминатото деноноќие во скопскиот регион се гаснеле запалена ниска вегетација во атарот на селото Миладиновци, како и запалено ѓубре во атарот на село Сарај. Во Охридскиот регион се интервенирало на запалено ѓубриште во близина на комплексот „Набизи“. Пожарникарите од Неготино имале две интервенции – гаснеле запалено жито на површина од околу два декара во атарот на село Пепелиште и запалена ниска вегетација во месноста „Криволак“.
Од ЦУК информираат дека на територија на општина Берово, вечерва од 22 часот до пет наутро, ќе се спроведе првата фаза од дезинсекција – прскање од земја за уништување комарци на зелените површини, како и по течението на реките и водотеците. Пчеларите во Беровскиот регион, пожелно е навреме да ги преземат потребните мерки за заштита на нивните пчели.