Последниве три месеци од годинава се очекува да бидат понеповолни од третиот квартал во кој беше регистриран пад од -3,3 отсто на бруто домашниот производ, прогнозира „Finance think“. Во име на оваа агенција во своето вечерашно гостување во емисијата „Економски Магазин“ на Алсат, професорката Благица Петревски изнесува дел од причините за таквата финансиска слика.
„Тоа се должи затоа што дел од економските активности позабавено функционираат во однос на првичната проекција. Исто така, најавата на вакцината се одложи и стартот на таа вакцина може да го очекуваме дури во првиот и вториот квартал на годината. Еден од клучните фактори којшто влијае е реализацијата на мерките, каде што веќе забележуваме дека реализацијата е пониска во однос на она што првично беше планирано“, вели Петрески.
