Платите во образование, не се исклучуваат протести

Вработените во образованието и во градинките остануваат со надеж дека ќе им се зголемат платите. Синдикатот за образование, наука и култура денеска преку социјалните мрежи соопшти дека Владата, односно Министерството за образование и Министерството за социјална работа треба да ги објават резултатите од преговорите со СОНК за усогласување на платите врз основа на зголемување на минималната плата и колективни договори.

Advertisements

И покрај ваквата најава, Алсат дознава дека на денешната седница на Владата, на дневен ред нема точка поврзана со усогласувањето на платите врз основа на зголемувањето на минималната плата, за кои претходно СОНК преговарал со Министерството за образование и Труд и социјалната политика.

Во случај да не се даде објаснување, од СОНК најавуваат дека со сите форми ќе изразат незадоволство од платите во образованието и градинките, не исклучувајќи дури и организирање на протести. Последново, според СОНК, може да се реши до крајот на оваа или почетокот на следната недела.

За разлика од СОНК, Самостојниот синдикат за образование и наука во сабота ќе организира протест за платите во образованието, со поставување синдикален камп пред Владата со цел, како што велат од овој независен синдикат, да се заштитат правата и угледот на вработените во образованието. /Алсат.мк

Мелихате Рустеми