„Плацови на Водно“ влегува во фаза на сослушување сведоци, засега најавени десетина

Судењето за случајот ,,Плацови на Водно” денеска продолжи со изведување материјални докази од страна на Обвинителството. При презентацијата, обвинителката Лиле Стефанова изведе разни докази од наредби за претрес одобрени од Кривичниот суд Скопје и записници од привремени одземени предмети.

Advertisements

Одбраната на обвинетиот Јордан Камчев во овој случај приговараше на изведувањето како доказ на договор за пренос на удел меѓу фирмите „Сиран“ и „Орка“.

„Доказите се прибавени на незаконит начин. Овој доказ не може да се третира од причина што недостасува потпис, печат и штембил на другата договорна страна“, истакна еден од адвокатите.