По четири часа и 15 минути голема борба, Зверев го совлада Руне

Германскиот тенисер Александар Зверев обезбеди пласман во четвртфиналето на Ролан Гарос, по уште еден маратон кој траеше до два часот по полноќ.

Четвртиот играч на светот беше подобар од Холгер Руне со 3-2, по сетови 4-6, 6-1, 5-7, 7-6 (2) и 6-2, по четири часа и 15 минути голема борба.

Средбата меѓу германецот и данецот заврши нешто пред 2 часот по полноќ, а следен ривал на трикратниот полуфиналист на “Купот на мускетарите“ ќе биде Алекс де Минор. Зверев успеа да направи два пресврти за само два дена, како Новак Ѓоковиќ. По Талон Гриксспор падна и 13. играч на планетата.

Во останатите четвртфинални дуели се среќаваат: Димитров – Синер, Алкараз – Циципас и Ѓоковиќ – Руд.