По владините антикризни мерки, поефтинуваат бензинот и нафтата

По усвоените владините антикризни мерки, денеска се очекува Регулаторната Комисија за Енергетика, да ги престави новите цените на бензините и нафтените деривати. Собранието ги усвои измените во законите за ДДВ и за акцизи, па денеска РКЕ ќе заседава за да ги усклади цените на горивата според овие измени. Акцизата на горивата се намалува од 1,2 денари до 4,7 денари, додека ДДВ-то се намалува од 18 на 10 отсто.

Според овие нацрти се очекува намалување на цените на бензинот за 6,5 денари и на дизелот за 9 денари. Ова значи дека од полноќ цената на еуросупер 95 би требало да изнесува окулу 86 денари, еуросупер 98 – 88 денари, додека цената на дизелот да биде окулу 88 денари.