Почнаа работите за изградба на интерконекторот со Грција
Денес започнаа работите за изградба на интерконекторот со Грција, гасовод кој има инвестициска вредност од 60 милиони евра. Премиерот Христијан Мицкоски изјави дека оваа инвестиција е голем чекор кон енергетска независност. Во меѓувреме, првиот вицепремиер, Изет Меџити, изјави дека најголемата придобивка од овој проект е чистиот воздух и квалитетот на живот за граѓаните. На свеченото отворање присуствуваше и амбасадорката на САД во Македонија, Ангела Агелер.
„Придобивките се јасни и конкретни. Преку гасификација, најзагадувачките извори на енергија како што се дрвото, мазутот и јагленот ќе бидат заменети со природен гас, почиста, поефикасна и побезбедна алтернатива за животната средина и јавното здравје. Ова ќе се претвори во почист воздух, намалени нивоа на ПМ честички, поздрави општини и подобри услови за живот за нашите граѓани“, рече вицепремиерот Меџити.
