Денеска и утре членовите на Европскиот совет ќе се состанат преку видео конференција за да разговараат за моменталната состојба на пандемијата со ковид-19, безбедноста и односите со Јужното соседство на Унијата. Лидерите на ЕУ ќе го координираат одговорот на пандемијата, фокусирајќи се особено врз одобрување, производство и дистрибуција на вакцини и движење на лица.
Advertisements
Лидерите ќе имаат прва размена на ставови за научените лекции досега од пандемијата, со цел да се зајакне отпорноста на ЕУ кон здравствените закани. Има некои најави дека лидерите денеска ќе се договорат да работат на сертификати за вакцинација за граѓаните на ЕУ кои добиле анти-ковид вакцини.
