Поглаварот на Исламската верска заедница Шаќир Фетаи, на сите муслимански верници им го честита светиот месец Рамазан

Поглаварот на Исламската верска заедница Шаќир Фетаи, на сите муслимански верници им го честита светиот месец Рамазан. Посакувајќи им лесен пост, Фетаи повикува на зголемување на општествената свест за добри дела и зајакнување на семејните врски, зголемување на хуманоста, мирот, толеранцијата и придонесот за градење праведно општество.

Advertisements

„Овој голем месец не потсетува на важноста на постот, смирението и добрите дела, нè води кон духовно и телесно чистење. Постот не е само чин на лишување од храна и пијалоци, туку духовно патување кое ни помага да ја обликуваме нашата свест за добрината, да ја зајакнеме нашата врска со Семоќниот Алах и да негуваме чувствителност кон другите„,  рече Шаќир Фетаи – претседател на ИВЗ.