Поради грешки во преводот, имотот на Груевски не е ставен на продажба
Премиерот Димитар Ковачевски не знае зошто Владата на седницата пред неколку дена не одлучи конфискуваниот имот на поранешниот премиер Никола Груевски да биде ставен на јавно наддавање. Првиот човек на владата вели дека не бил присутен на седницата, а седницата ја водел првиот вицепремиер Артан Груби.
Алсат дознава дека Владата го вратила извештајот на директорот на Агенцијата за управување со одземен имот поради техничка грешка во преводот.
Врз основа на правосилни одлуки на поранешниот премиер Никола Груевски, Агенцијата за управување со одземен имот започна постапката за одземање на два стана, едниот 65 м2, а другиот 44 м2. Покрај двата стана, на Гуревски се очекува да му бидат одземени и 3 стана во резиденцијата Панорама, како и градежно земјиште во Центар и во крушевското село Норово. Никој од извршната власт не сакаше да коментира дали веруваат дека имотот на Груевски се само 2 стана и 3 апартмани, имот кој е симболичен во однос на луксузниот живот на поранешниот премиер, кој носеше по десетици илјади евра очила. Во анкетните листи сега ништо не може да се види на име на Никола Груевски и покрај тоа што до пред извесно време беа достапни информации за неговото богатство.
Адријан Керими
