Поради одрони, во целосен прекин сообраќајот за товарни возила на патот Крива Паланка – ГП „Деве Баир“
Поради одрони на регионалниот пат А2 на еден километар од излезот на Крива Паланка утрово од 6:30 часот во целосен прекин е сообраќајот за товарни возила на делницата Крива Паланка – Граничен премин „Деве Баир“, а наизменично се одвива за патничките возила, информираат од Автомото-сојузот на Македонија (АМСМ).
Поради обилни врнежи од дожд сообраќајот наизменично се одвива и на патниот правец Македонска Каменица – Делчево (А3). На оваа делница сообраќајот се одвива по една коловозна лента за сите видови возила.
Од АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.
Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
