Владата на вчерашната седница ја разгледа и усвои Информацијата за исплата на пензии за месец март 2021 година и го задолжи Фондот на пензиско и инвалидско осигурување да ги достави податоците за пензиите до деловните банки најдоцна до 26.03.2021 година, на кои им се препорачува да обезбедат пензионерите да може да располагаат со мартовските пензии преку мрежата на банкомати и во трговската мрежа од 29 март 2021 година.
Банките готовинската исплата на пензии да ја организираат во четири групи според следниот распоред составен според висината на пензијата: За пензии со висина до 11.000 денари, исплатата да се изврши на 29.03.2021 година (понеделник); За пензии со висина 11.001-14.000 денари, исплатата да се изврши на 30.03.2021 година (вторник); За пензии со висина 14.001-18.000 денари, исплатата да се изврши на 31.03.2021 година (среда); и за пензии со висина над 18.001 денари, исплата да се изврши на 01.04.2021 година (четврток), соопшти владината прес служба.
