Поради жештините, зголемен е бројот на повици во брзата помош
Поради жештините, зголемен е бројот на повици во брзата помош
Поради високите температури и жештината, бројот на граѓани кои побарале итна помош е зголемен. Во последните 24 часа се регистрирани над 60 случаи, повеќето од пациентите побарале помош поради високите температури.
Според лекарите од итната помош, десетици луѓе се јавиле на бројот 194 во последните 24 часа за помош. Повеќето од нив поради низок крвен притисок, додека 8 пациенти се онесвестиле од топлината и високите температури.
„Во последните 24 часа, 66 граѓани побарале итна помош на бројот 194. 21 од нив биле итни случаи, додека 8 пациенти доживеале колапс поради низок крвен притисок“, велат од Итна помош.
Екстремно топлото време ги испразни улиците .
Поради екстремно високите температури, продолжуваат да важат препораките на Владата, со кои бремените жени и лицата над 60 години се ослободени од работни обврски, додека сите други треба да избегнуваат излегување надвор помеѓу 11 и 17 часот.
Исто така, работодавачите треба да обезбедат услови во согласност со планот и акцијата: простории со температури до 25 степени Целзиусови. Мерката останува на сила до 8 јули, кога се очекува мало опаѓање на температурите.
Во меѓувреме, поради жештините, Агенцијата за храна и ветеринарство препорача внимателност за да се избегне труење со храна. Според Агенцијата за храна, треба да се проверува рокот на траење, храната правилно да се чува и да се купува од места каде што има соодветни услови за складирање и на производите, особено месните./Алсат.мк
Авни Тахири
