ВЕСТИМАКЕДОНИЈА
Посебен режим на сообраќај во дел од Скопје поради излевањето на Маркова река
Поради обилните врнежи и излевањето на Маркова река, во дел од Скопје во сила е посебен сообраќаен режим, информираат утринава од Министерството за внатрешни работи (МВР). Затворен за сообраќај во двете насоки е локалниот пат од Горно Лисиче до Долно Лисиче, како и влезот за село Батинци во двете насоки.
„Од тие причини Единицата за безбедност на патниот сообраќај презема мерки за посебен режим на сообраќајот. СВР Скопје апелира до сите учесници во сообраќајот да се почитуваат наредбите на полициските службеници“, велат од МВР.
Advertisements
Претходно денеска од Автомотосојузот на Македонија (АМСМ) соопштија дека се непроодни локалниот пат од Горно Лисиче кон Долно Лисиче и првиот мост во село Батинци поради излевањето на Маркова река.
