Поскапе уписот во градинките во Чаир
Од јуни цената за упис во градинка во Општина Чаир е зголемена за 33%. Наместо 1.500 денари, родителите ќе плаќаат 2.000 денари за дете. Граѓаните велат дека трошоците за живот се недозволиви, особено кога семејствата имаат повеќе од две деца во градинка.
„Се работи за две илјади денари, но јас немам толку бидејќи имам две деца со пелени. Трите ако ги пратам тоа се 6 илјади денари месечно, добивам толку социјална помош, каде е киријата, струјата. Со приватна работа, што ќе постигнеш?”, реагираат граѓаните.
Поскапувањето на детските градинки беше предложено од самите раководители на градинките, а беше одобрено од Советот на општината. Раководителите на детските градинки покачувањето на цените го правдаат со зголемувањето на цената на храната и хигиенските производи, како и со зголемувањето на минималната плата.
„Цената на детските градинки е иста од 2006 година, а сега сме во 2023 година. Ако минималната плата достигне 20 илјади денари, просечната плата во државата достигнува 33 илјади денари. Децата кои се запишани во училиштето се на родители кои се вработени. Ние не сме социјални институции. Зголемувањето на цените на сите прехранбени и хигиенски производи не принуди да бараме зголемување на цената во градинката. Две илјади денари е неоснована реакција на родителите, според моја проценка, затоа што правиме појадок, ручек и ужина. Ние нудиме згрижување на деца до 18:00 часот. Ова вклучува перење, пеглање, користење на индустриска електрична енергија“, вели Нарел Салих Бучи, директорка на градинка Снежана.
Таа рече дека детската градинка нуди попусти на цените за одредени случаи – се одобрува 50% попуст за третото, четвртото или петтото дете. Доколку еден од родителите издржува затворска казна, се нуди 100% попуст. Овој попуст се нуди и на родителот доколку детето е подложено на хируршка интервенција. Според податоците на детската градинка „Снежана“,Македонија во моментов има најниска цена на детските градинки во споредба со Косово, Албанија и Србија, каде што престојот на децата во градинка се плаќа 50 евра или повеќе, во зависност од платата на родителите.
Мелихате Рустеми
