Потпишан законот за државјанство
Претседателот Стево Пендаровски го потпиша указот на Законот за државјанство. Неговото објавување во Службен весник за конечно да стапи во сила зависи од другите закони што треба исто така да бидат потпишани. Од Службен весник за Алсат велат дека по пристигнувањето на другите донесени закони, Законот за државјанство ќе биде објавен во следниот прв број. Законското решение вклучува олеснителни околности во преодните одредби каде што се категоризираат доказите врз кои може да се добие статусот државјанин. Оваа одредба предвидува постапката да има правна основа само преку поседување на документ.
Предлог-закон за државјанство
извод од матичната книга на родените;
доказ за завршено образование (сведителство, потврда или диплома);
доказ за воспоставен работен однос
Доказ за сметка платена за следните услуги: електрична енергија, греење, вода, телефонски услуги;
патна исправа (пасош) издаден од поранешна СФРЈ или друга република на поранешна СФРЈ;
лична карта издадена од поранешна СФРЈ или друга република на поранешна СФРЈ;
лична карта за странци;
здравствена книшка;
Новото законско решение им овозможува на граѓаните кои мигрирале од Северна Македонија да добијат статус на државјанство. Во одредбите, природна врска со државата им е овозможена на печалбарите и нивната прва генерација.
Член 8
Мигрант од Република Македонија, како и неговиот наследник до првата генерација, природно може да добие државјанство на Република Македонија.
Мигрант, во смисла на овој закон, се смета државјанинот на Република Македонија кој се преселил од РМ во друга земја, без оглед на полот, расата, бојата на кожата, националноста и социјалното потекло , политички и верски убедувања, имот и социјален статус “
Одредбите за натурализација вклучуваат и наследување државјанство преку брак и враќање на државјанството до 25-годишна возраст преку тригодишен непрекинат престој во Северна Македонија. Промени има и во членот 7 од Законот за државјанство. Од 8 години, дозволата за престој се намалува на 7 години, односно лицето кое бара државјанство да има најмалку 7 години редовен престој во Северна Македонија.
Adrian Kerimi
