Повредени најмалку четири принципи со законот за легализација на дивоградби, вели правник од Хелсиншки комитет
Со законот за легализација на бесправно изградените објекти се уриваат најмалку четири правни принципи, оценува Вилдан Дрпљанин, правен експерт од Хелсиншкиот комитет. Во неговото вечерашно гостување во емисијата „200“ на Алсат, говорејќи за недоследностите на законот, тој меѓу другото вели:
„Најмалку четири принципи се повредени, почнувајќи од принципот на владеење на право, каде законот се базира на едно кривично дело и на некој начин го суспендира тоа дело и повластува група граѓани кои не го почитувале законот, со што навлегуваме во вториот принцип – еднаквоста на граѓаните пред законот. Третиот принцип е просторно уредување и четвртиот е навлегување во судската власт во еден ваков закон кај што се запираат сите судски постапки“, вели Дрпљанин.
