Повторно летоци да не се гласа на овие избори

На повеќе локации во скопски Чаир денеска се појави пораката „Не гласај“ – испечатена на летоци или испишана со спреј по ѕидови на објекти и столбови на билборди.

Пораката е во изборен контекст, без да се посочува на кои избори да не се гласа – на парламентарните или на претседателските.

Лесно воочлив е верски аспект, со оглед на тоа што на еден од летоците пишува: „Tи си муслиман, не гласај“.

На друг леток, пак, пишува: „Плаши се од Алах, не заокружувај друг Господ освен него“.