Пратенички Албанки со осуда на рускиот напад врз Украина
Вечерва во „Патот кон“ дискусијата на пратеничките Албанки од македонското собрание започна со остра осуда за рускиот напад врз Украина, што се случи денеска во раните утрински часови.
Фиснике Шаќири-Бектеши, пратенички од редовите на ДУИ, Илире Даути, пратенички од Алијансата за Албанците и Сафије Садики-Шахини, пратенички од Алтернатива изјавија дека ова што се случи денеска е навистина загрижувачко.
„Ние како ДУИ ја поддржуваме Украина и ги осудуваме повиците кои имаат врска со поддршката на руската агресија. „Додека нашата држава ги презеде сите неопходни мерки за зачувување на територијалниот интегритет“, рече Шаќири-Бектеши од ДУИ.
Додека Илире Даути од Алијансата за Албанците рече дека ова што се случи денеска е грижа за целиот свет кој го сака мирот.
„Денеска сме тажни поради тоа што се случи во Украина. Тоа е грижа за целиот свет кој го сака мирот, за нас како Албанци тоа е многу тешко бидејќи таквите слики не потсетуваат на војната во Косово. „Што се однесува до нашата држава, мислам дека Република Северна Македонија треба да биде многу децидна и многу јасна да ги осуди овие дела и да биде многу одлучна“, рече Даути.
Додека Садики-Шахини, рече дека ваквата состојба ќе се одрази и на нашата земја.
„Навистина е вознемирувачко ова што се случува во Украина денес. Мислам дека тоа секако ќе влијае на нашата земја, каде се очекува продлабочување на економската криза, како и на безбедносните прашања“, рече таа.
