Пратениците наскоро може да се вратат во собраниската сала „Македонија“
Собранието сега е слободно да се врати во нормала. Министерот Венко Филипче изјави дека со ревакцинацијата на пратениците и вработените во законодавниот дом, од медицински аспект, нема повеќе пречки за оваа институција да ја продолжи својата нормална работа. Одлуката, вели тој, е во рацете на првиот човек на Собранието, Талат Џафери.
Но, од Собранието велат дека сега треба нов протокол за работа во новите услови. Претседателот на Собранието, Талат Џафери, на последната неформална средба со новинарите, изјави дека неколку недели по вакцинирањето, односно од крајот на мај и почетокот на јуни, ќе се направи нов протокол во соработка со Комисијата за инфективни болести и претседателот Караџовски и ќе се вратат во салата „Македонија“.
Пратениците во салата „Македонија“ не влегле од февруари 2020 година, кога беше распуштен претходниот состав. Конституцијата на новиот состав во август беше направена во вонредни услови, со протоколи и во големата сала. Во моментов, нема услови новинарите да присуствуваат на пленарните седници со физичко присуство, а нивното учество е ограничено и во некои други простории каде се одржуваат седниците на комисиите. Сè уште не е познато дали новите протоколи ќе овозможат физичко присуство на медиумите во работата на Собранието.
Fatlume Dervishi
