Пред фајронт, Владата синоќа избрала нови директори
Mefail Isamili
Владата синоќа именуваше неколку директори, заменик-директор и членови на одбори на различни институции. За заменик-директор на Царинската управа е именуван Мухарем Асани, кој досега беше вршител на должност на оваа функција. За директор на Државниот пазарен инспекторат е именувана Анета Симеска Димитроска, а за директор на Државниот инспекторат за труд, Јованка Тренчевска. Исто така именувани се и неколку кадри на Алтернатива.
„Синоќа Владата го именуваше Амир Биљали за заменик-директор на Агенцијата за млади и спорт, Блерим Абази за вршител на должноста директор на Управата за управување со матични книги, институција која е под раководство на Министерството за правда. Исто така синоќа Владата го назначи Беким Емини за вршител на должноста директор на Агенцијата за странски инвестиции.“
Партијата Алтернатива врз основа на договорот за учество во владата ќе има 47 директорски места и членови во управни одбори. За другите именувања од Владата велат дека ќе се одлучува на следните седници. Од ДУИ не одговорија на прашањата на Алсат за новите именувања од оваа партија или дали има несогласувања во нејзините редови околу евентуалните кадри. Алсат неофицијално дознава дека Арменд Фазлиу може да биде именуван за економски директор во клиничката болница во Тетово, а поранешниот директор на претпријатието „Паркови и зеленило“, Ардијан Муча, ќе биде назначен за директор на Агенцијата за вработување. ДУИ досега имаше директори во МЕПСО и директор на Управата за водење матични книги, но тие сега ќе ѝ припаѓаат на Алтернатива.
