Пред посетата на УНЕСКО на Охрид во јули, нова задача за градските власти
Пред посетата на УНЕСКО на Охрид во јули, нова задача за градските власти
Илјадници сателитски антени, клима уреди, сончеви колектори, фотоволтаични панели, светлечки реклами до крајот на 2025 година, мора да бидат отстранети од куќите и други објекти во стариот дел на Охрид, охридската чаршија и градкиот кеј, затоа што го нагрдуваат изгледот на овој дел од градот кој е под строга заштита. Станува збор за 561 таков објект, а сопствениците имаат алтернатива, да ги постават на места кои не се видливи однадвор.
„Нашите ингеренции завршија со нивната евиденција. Направивиме евиденција и приоритети и сега понатаму другите институции треба да мислат како тие ќе се отстранат. Објекти има такви кои се несоодветни, соларни панели, бољери кои ја нарушуваат сликата на градот“, рече Горан Патчев- директор на Музеј Охрид.
Патчев вели дела изготвениот елаборат со сите податоци е доставен до останатите надлежни институции, кои треба да преземат соодветни мерки. Вели дека биле известени и сопствениците на куќите.
„Следната мисија на Унеско мислам дека повторно ќе го постави тоа прашање и во најскоро време треба да се најде некакво соодветно решение. Имаме и прирачник за сопствениците на објекти во старото градско јадро. Таму има упатства сопственикот како да се однесуваат спрема културното наследство“, додаде Горан Патчев- директор на Музеј Охрид.
„Имаме препораки кои се на хартија, а треба да се на терен.Односно да правиме акции во согласност со она што веќе некој ни кажал да сработиме. Едноставно од канцеларија да излеземе на терен и резултатите не само ние и другите ќе ги видат“, рече Сашо Коруноски- професор на Факултет за туризам.
Станува збор за едно од барањата и на реактивната мисија на Унеско, која се очекува во јули да го посети регионот и да утврди што од забелешките властите на локално и централно исполниле, а што не./Алсат.мк
Мики Трајковски
