Предлог законот за помилување на комисиска расправа во Собранието
Предлог законот за помилување, во прво читање, на предлог на Министерството за правда, денеска е на дневен ред на седницата на собраниската Комисија за политички систем и односи меѓу заедниците, која треба да расправа и за предлог законите за изменување и дополнување на Законот за народниот правобранител и на Законот за извршување на санкциите, исто така во прво читање. За денеска се закажани и седници на собраниските комисии за прашања на изборите и именувањата, за одбрана и безбедност, на Буџетски совет и на Законодавно-правната комисија.
Причините за донесување нов закон за помилување, според предлагачот, произлегуваат од недостатоците и правните празнини во постојниот Закон за помилување од аспект на неговата практична примена, како и од потребата за попрецизно нормирање на одредени прашања регулирани со законот.
